Konpartsa ugarik desfilatzen dute urtero Trintxerpen
Karmengo Ama ikastetxeko haurrek emango diete hasiera Trintxerpeko Inauteriei, ostiral goizean (hilak 12) desfilean dantzan irtenda. Egun berean irtengo dira kaldereroak, arratsaldez. Aurtengo inauteri goiztiarrek behartu dute bi festak batzea. Kaldereroetako entseguak, berriz, aste honetan dira, gaur, 20:00etatik 21:00etara (asteartea) eta bihar (asteazkena) 20:15etik 21:15era, bi kasutan Trintxerpeko alkateordetzan.
Konpartsen aurkezpena, berriz, frontoian izango da, ostiralean bertan, Olinpoko jainkoek zuzenduta. Aurten hemeretzi konpartsa irtengo dira larunbat arratsaldeko desfilean, eta zortzi igandekoan. Ibilbidea Carbonesetik hasiko da, eta feriak dauden tokitik Euskadi etorbidera igaro ondoren, Azkuenera joango da.
Hona aurtengo parte-hartzaileen zerrenda: Lagun Artea, Alegria de Alza, Santa Barbara, Gurea, Trumoiak, Thamessis, Aitor Ikastola, Eureka, Apyma Telleri, Furius, Fama, Txasiss, Bóveda, Odissey, Toxic, Intxaur Txiki, Show Time, Betiko zuhaitz eta Mi Nuevo Potosi.
Desfileak dira Trintxerpeko Inauterietako protagonista nagusiak, baina ez bakarrak. Hona
egitaraua.
Trafiko aldaketak
Inauteriak direla eta, udalak jakinarazi du trafikoan eta garraio publikoaren geltokietan aldaketa nabarmenak izango direla aste bukaera osoan zehar.
Euskadi etorbidea itxita egongo da, ostiralean (hilak 12) 9:30etik 12:00 arte, eta 18:00etatik aurrera. Larunbatean eta igandean, berriz, egun osoan.
Horrez gain, Trintxerpeko sarbidean ere izango dira aldaketak. Larunbat eta igande arratsaldean, desfileak bitartean, moztuta egongo da Azkuene kaleko sarbidea 15,30etik 20:00etara Nornahi plazako biribilgunetik (ainguraren biribilgunea). Honenbestez, Trintxerpeko edota San Pedroko edozein eremutara iristeko portualdeko bigarren kaletik sartu beharko da (Rodolfo-Consignatarios) eta hortik Euskadi etorbidera. Trintxerpeko eta San Pedroko goiko aldeetara iristeko, berriz, Marinel kaletik –anbulatorioa eta itsas eskola– igo beharko da.
Garraio publikoaren geltoki aldaketak
Ostiraleko 18:00etatik aurrera eta datorren astelehenean Euskadi Etorbidea irekitzen den arte Euskadi etorbideko 25. zenbakiaren pareko autobus geltokiak Euskadi etorbideko 35. zenbakira aldatuko dira eta kendu egingo dira Euskadi etorbideko 5. zenbakikoak.
Aldaketa honek Trintxerpeko barrutian ibiltzen diren linea guztiei eragingo die.
Aparkaleku aldaketak
Otsailaren 10etik 16 arte Lasa aparkalekuan feriak eta barrakak egongo dira. Portu Agintaritzak aukerako aparkalekua uztea ezinezkoa dela adierazi duenez, Udalak lonjako aparkalekua erabiltzeko eskaera egin du. Horretarako, Hospitalilloko atea irekita egongo da asteburu osoan.
Aparkaleku falta dela-eta, zirkulazio-arazorik sor ez dadin, udaletik egun hauetan Trintxerpera Inauteriez gozatzera etortzen diren guztiei garraio publikoa erabiltzeko deia egiten diegu.
Informazio gehiago nahi duenak Pasaiako Udaltzaingora dei dezake, 943 00 43 00 telefono zenbakira.
