Pasaiako portuan, urte hasieran, trafikoak gora

Urtarrilean %6 egin du gora trafikoak

olatz mitxelena

2016/02/09

Edukiontziz bete lehen merkantzia-ontzia portutik irteten

Produktu siderurgikoen (% 35,31) eta automobilen (%45,28) trafikoaren igoerak eragin du bereziki hazkundea, Portu Agintaritzak jakinarazi duenez. Aitzitik, ongarrietan (%-40,03) petrolio kokean (%-100) eta zerealetan (%-59,76) balantzea negatiboa izan da urtarrilean, beti ere, 2015eko urtarrileko datuekin alderatuta. Edonola ere, “hilabete bateko datuak izanik oszilazioak oso handiak” direla, eta “datuak zuhurtasunez aztertzea” komeni dela ohartarazi du Portuak. Inportazioaren hazkundea automozioan Automobilen esportazioaren bilakaera positiboari, gaur gaurkoz inportazioaren hazkundea gehitu behar zaio. “Nabarmentzen hasia” da, Portuak dioenez, eta besteak beste, bobinen eta altzairu xaflen trafikoaren gorakadarekin lotu du, trafiko honi dagokionez “perspektiba onak” goraipatuz. Arrantzak, azkenik, %0,9ko hazkundea izan du urtarrilean. Jatorri eta helmugak Belgika da jatorri-herrietan lehena eta Erresuma Batua berriz, Pasaian ontziratutako merkantzien helmuga-herrien artean lehenengoa. Otsailean urtebete beteko da Pasaiako Portuak edukiontzien trafikoari ekin ziola, eta trafikoen datuak alderatzeko aukerarik ezean, zaila izan da orain arte balorazio bat egitea. Urteurrenarekin batera “trafiko honen fidagarritasuna eta bezero berriak erakartzeko ahalmena” ebaluatzen hasteko unea hasiko dela iragarri du Portuak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.