[Argazki galeria] Torturaren aurkako ekitaldian, Esteban Muruetagoiena gogoan

Esteban Muruetagoiena plazan izan da, eta hamarnaka herritar bildu dira bertara.

2016/02/13

Torturaren kontrako ekitaldia Oiartzunen

Torturaren aurkako ekitaldia egin dute gaur Oiartzunen. Esteban Muruetagoiena plazan izan da, eta hamarnaka herritar bildu dira bertara. Ekitaldi horretan Esteban Muruetagoiena izan dute gogoan. Muruetagoiena Oiartzungo medikua zen, eta hamar egunez Guardia Zibilaren eskuetan egon ondoren, aske utzi eta hiru egunera hil zen. Sortuk Tortura 40 urtez, Inpunitatea 40 urtez lelopean egin du ekitaldia. Ekitaldian parte hartu duen hizlariak, tortura sistematikoki erabili dela esan du, “azken 40 urte hauetan milaka torturatu izan dira, horietatik 88 kasu Oiartzunen”. Tortura kolore ezberdinetako gobernuek erabili dutela gaineratu du eta komunikabideek ezkutatu dutela. Dantzariak aurreskua dantzatu du hizlariaren txanda amaituta, eta ondoren lore sorta bat jarri du sendagilea zenaren omenezko plaka ondoan. Banan bana herritarrak pasa dira ostean krabelin gorriak uztera plakaren azpian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.