EH Bilduk gobernuaren 300 egunen balantzea egin du

Oso kritikoak izan dira gobernuak hartu duen norabidearekin

olatz mitxelena

2016/02/17

Mikel Garcia Peñil, Oihane Oronoz, Migel Mari Torrea, eta Haritz Perez, gaur, balantzea egin bitartean

Gobernua eratu zenetik 300 egun igaro diren arren gobernu programarik ez dutela ezagutzen salatu du EH Bilduk. Horixe PSE-EEk eta EAJk koalizioan eratutako gobernuari luzatutako lehen kritika. “Programarik ezagutzen ez dugunez, ez dakigu zein diren beraien promesak, ez eta betebeharrak” ohartarazi du Oihane Oronozek. Jarraian, atalez atal egin dute bilakaeraren errepasoa eta gogorarazi dute, gobernuaren lehen erabakia beren soldatak igotzeko izan zela. Modu berean, protokolo gastuak %282 igo diren bitartean, enplegu planetan partidak %85 murriztu dituztela deitoratu dute, baita lanpostu publikoen suntsiketa gaitzetsi ere. Hondakinak Sei hilabetetan Pasaian bildutako errefusaren kopurua bikoiztu egin dela ohartarazi du EH Bilduk, eta “udal gobernuak hartutako erabaki populista eta arduragabeen ondorioz”, San Markoko Mankomunitateari ordaindu beharreko faktura ere bikoiztu egingo dela iragarri. Bestalde, Pasaiari dagozkion erabakiak herritik kanpo hartzen direlako kexu agertu da koalizio abertzalea, eta gogor gaitzetsi dute gobernu taldeak herritarrek parte-hartze prozesuetan erabakitakoei bizkar ematea. Zentzu honetan, kaiko Herreran inguruan gertatutakoak ez ezik, Donibaneko mediatekaren harira hartu dituzten azken erabakiak jakinarazi dituzte. Esan dutenez, herritarrek parte-hartze prozesuan onartutako proiektua eraldatu eta liburutegirako aurreikusita zegoen espazioa murriztu dute, eraikin sozial kultural berrian taberna atontzeko. Euskara Euskararen sustapenean 34.240 euro gutxiago inbertituko dituztela salatu dute, baita ere, EH Bilduko zinegotziek (%39 gutxiago), eta zehazki, euskarazko komunikabideekin hartu duten jarrera kritikatu dute, Hamaika Telebistari diru laguntza kendu diotela nabarmenduz, eta Hitzari erdira murriztu diotela salatuz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.