[Argazki galeria] Errenteria eta Pasaia utzita, Donostian da Correscales

Errenteria-Oreretako harrera beroaren ondoren, Antxo eta Trintxerpe zeharkatu ditu Correscales duintasun martxak

2016/02/19

Martxa, Errenteria-Oreretako Herriko Plazan, Pasaiara joan aurretik

Errenteria-Oreretako harrera beroaren ondoren, Pasaia aldera hartu du bidea Correscales-Korrika Prekarioa langileen duintasunaren aldeko martxak. Lehenik, Antxon hamarnaka lagunek egin diote harrera Nafarroa etorbidean, eta bertatik hainbat sartu dira martxara, bizikletan batez ere. Eskalerillas eta Kontadores zeharkatu ondoren, Trintxerpera iritsi da Correscales. Bertan, herritarrak, Pasaiako Udaleko langileak, Pasaiako Portuko langileak eta EH Bilduko zinegotziak zituen zain martxak. Pasaiako Udaleko langile batek oharra irakurri du, esanaz, besteren artean, Correscalesek aldarrikatzen duena langile ororen printzipioak direla, eta elkarrekin printzipio horien alde borroka egin behar dela. 13:05 inguruan iritsi da martxa Trintxerpera. Handik, Donostiarako bidea hartu du. Egitarau zabala prestatu dute egunean zehar hiriburuan.

Correscales Pasaian eta Errenteria-Oreretan

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.