[Bideoa eta argazki galeria] Herri oso bat boluntario Lezo-Jaizkibel proban

Lezo-Jaizkibel mendiko lasterketa egin zen atzo, kirol, elkartasun, eta herri mailako helburuak beteta

2016/02/22

Gurutze Santuaren plazako giroa, sari banaketan

Mendi lasterketen festa izan zen atzo Lezon. Goiz-goizetik, herrian giro berezia zegoen. Izan ere, atzoko Lezo-Jaizkibel mendi lasterketan kanpotik etorritakoak herrira ehunka izan baziren, lezoarrek egin zuten handi proba: 100 boluntariotik gora izan ziren plazan, eta zirkuituko zirrikitu guztietan lehiaren jarraipen zehatza egiten, laguntzen, euren erara parte hartzen. Lezotarrak Lasterkari taldeak, hainbat erakunde eta enpresaren laguntzarekin antolatutako proba, ikusgarria izan zen. Ondoko argazkiak herrian bizi izan zen giroarenak dira. Bideoa, Lezo-Jaizkibelen irteerakoa. Urtero, gainera, elkartasun keinua egiteko baliatzen dute antolatzaileek proba. Aurten, Pasai Donibaneko neska batek duen gaitza ikertzeko erabiliko dute parte hartzaileek izena ematerakoan ordaindutakotik euro bat. Delecion 1p36 gaixotasuna du Eunate Turco Intxausti sanjuandarrak. Haren gurasoek esker ona adierazi zieten antolatzaileei, nahiz laguntzen ari diren guztiei probaren bukaeran. Hurrengo argitalpenean, probaren argazkiak eta kronika.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.