Haurrak euskaldun hazteko familiaren garrantziaz ariko da Paula Kasares
Haur zaintza zerbitzua ludotekan egingo dute, baina horretarako gaur dute azken eguna izena emateko interesdunek.
Haurrak euskaldun hazteko familiak duen garrantziaren gainean ariko da ostegunean Paula Kasares soziolinguista eta NUPeko irakaslea Lezoko Euskara eta Kultura aretoan. Hitzaldi solasaldia izango eta bi saio eskainiko ditu euskaraz biak, lehena 17:00etan eta bigarrena 18:30ean. Euskaraz dakiten edo guraso elebidunek osatutako familiei zuzendutakoa da hitzaldi solasaldia. Seme-alaben hizkuntza portaeretan eragiteko bideak aztertuko dituzte hitzaldian eta guraso gisa duten egitekoaz hausnartu.
Haur zaintza zerbitzua ludotekan egingo dute, baina horretarako gaur dute azken eguna izena emateko interesdunek. Kultura eta Eukara bulegora jo behar dute zaintza zerbitzua eskatu nahi dutenek, edo Lezo Herri Eskolako Euskara Talaia euskara taldearen helbidera mezu elektronikoa bidali.
