Donibaneko eraikin balioanitzeko lanak aurrera, aho batez bultzatuta

Liburutegi berrirako lanean ari diren herritarren bi ordezkari plenoan izan ziren, eta hasierako proiektuak aldaketak egitekotan haiekin adostuko dituztela hitz eman zieten

olatz mitxelena

Pasaia

2016/02/24

Miriam Cano eta Sergio Ekiza, plenoan, Donibaneko eraikin balioanitzeko lanen ingurukoak azaltzen

Eraikin balioanitzeko lanen laugarren fasea adjudikatze adostu zuen atzo udalbatzarrak, aho batez. Modu honetan eraikinean kultur azpiegiturak bilduko dituen eremuan lanak egiten hasiko dira aurki. Plenoan, Donibaneko liburutegi berrirako herritarren batzordeko bi ordezkari egon ziren, gaiaren gaineko informazio eske. Barrutiko alkateorde Miriam Canok bilera batetara deituko dituztela esan zien, eta oraingoz, hasierako planteamenduan aldaketarik ez dutela aurreikusi erantzun zien. Planteamendua eskuan dutenean herritarrei aurkeztuko dietela, eta aldaketak izatekotan beraiekin adostuko dituztela agindu zien Canok herritarrei. Edonola ere, Izaskun Gomez alkateak zehaztu zuen orain abiatuko diren lanak egiturazkoak direla. Hiru mozioak aurrera Hiru mozio eztabaidatu zituzten atzoko plenoan, eta hiruak atera ziren aurrera, aho batez horiek ere. Lehenik eta behin, Pasaia, UNICEFen Haurren Lagunak diren Hirien Sareko kide izatea adostu zuten; bigarrenik, Eusko Jaurlaritzari Gizarte Larrialdietarako Laguntzen gastu osoa bere gain hartzeko eskatzea, eta hirugarrenik eta azkenik, Saharako Errepublika Arabiar Demokratikoaren aldarrikapenaren 40. urteurrenarekin bat egitea. Hilak 27an beteko dira aldarrikapenetik 40 urteak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.