Aldarrikapena eta festa uztartu dituzte gainera, hilaren 25ean hasi eta martxoaren 31 arte luzatuko den ekintza sortan, "borrokarako arrazoi asko ditugulako, baina baita festarako ere".
Hamaika ekitaldiz osatutako egitarau plurala aurkeztu dute Martxoak 8ari begira.
Martxoak 8ari begira antolatu duten egitarau zabala aurkeztu zuten atzo arratsaldean udal ordezkariek eta emakume taldeetako hamaika kidek. Garazi Lopez Etxezarreta berdintasun zinegotziak Emakumeen Nazioarteko Egunari begira “egitarau ezberdina eta aberatsa” prestatu dutela esan zuen. Plurala ere, izan ere, Errenteria-Oreretan dauden emakume talde ezberdinek egin dute bat egitarau horretan. Aldarrikapena eta festa uztartu dituzte gainera, hilaren 25ean hasi eta martxoaren 31 arte luzatuko den ekintza sortan, “borrokarako arrazoi asko ditugulako, baina baita festarako ere”.
Berdintasun kontseiluak antolatutako ekitaldien artetik hiru nabarmendu zituen atzoko agerraldian Lopez Etxezarretak. Hilaren 29an, astelehenarekin,
Gure genealogia feministak hitzaldia antolatu du Xenpelar Etxean 18:00etatik aurrera Emaginen eskutik. Martxoaren 5ean, larunbatarekin berriz, VI. mariasun landa Sarien banaketa egingo dute Xenpelar Etxean 12:00etan. “Sorkun Rubiok musika emanladia eskainiko du gainera, sari banaketan, beste hiru musikarirekin batera”.
Kolpe Morea gazteen talde feministarekin batera, berriz, Bizentaren Lumak solas-jolasa antolatu du Berdintasun kontseiluak, “60 gaztek hartuko dute parte Elhuyarrek egin duen joko horretan. Rol jokoa da eta besteak beste parekidetasuna, feminismoa eta horren gaineko egoerak landuko dituzte gazte horiek”, azaldu zuen LopezEtxezarretak. Martxoaren 12an, larunbatarekin egingo dute azken hori koldo Mitxelena ikastetxearen patioan 11:00etan.
Oarsoaldeko Mugimendu feministak antolatuta, manifestazioa
Hainbat urtez antolatzen duten jaialdiak ere izango du tartea aurtengo Martxoaren (ko egitarauaren barruan. Auzo elkarteetako emakume taldeek antolatzen dute jaialdi hori eta aurten
Emakumea historian leloarekin, historian garrantzitsuak izan diren emakumeak hartuko dituzte auzoetako emakumeek jaialdirako. 17:30ean hasiko da kiroldegian. Bi ordu beranduago, berriz, polikiroldegitik bertatik Oarsoaldeko Mugimendu feministak deituta manifestazioa abiatuko da.
Urratsa elkarteak, emakume musulmanen taldeak ere, bat egin du Emakumearen Nazioarteko Egunaren harira prestatu den egitarauan. Bidaya elkartearekin batera hitzaldia antolatu du Urratsak hilaren 12rako.
Emakume musulmanak gaur egungo gizartean gaiaren gainean ariko dira Hajar Samadi eta Hana Yousefi 15:30etik aurrera Reyna Aretoan. Martxoaren 19an berriz, emakumeentzako jaialdia antolatu dute Niessen aretoan 14:30etik 18:30era.
Emakumeen zine zikloa ere ezaguna bilakatu da, urteakdaramatzalako amalatz talde feministak hura antolatzen. Hilaren 25ean hasita lau ostegunez filmak emango dituzte Niessen aretoan eta ondoren solasaldia egingo dute ikusitakoaren gainean. 25ean
La familia Belier emango dute; martxoaren 3an,
Pride; martxoaren 10ean,
Las buenas compañías dokumentala; eta martxoaren 17an, berriz,
La verdad oculta.
Udalaren Kultur Aniztasun sailak ere egin du Martxoak 8ari begira ekarpena. Martxoaren 14tik 31ra Lumaltik Herriak Elkartearen
Emakumeen lege iraultzailea erakusketa antolatu du Xenpelar Etxean. Erakusketaren azken egunean, gainera, bisita gidatua egingo dute 19:00etan hasita.
Mikelazulon azkenik, zineforuma egingo dute martxoaren 23an.
Compañeras de viaje emango dute 19:00etan hasita Bidez Biderekin elkarlanean.
Udal ordezkariek zein emakume taldeek herritar guztiak deitu dituzte antolatutako ekintzekin bat egitera.
