Saharar herriari "konpromiso tinkoa" erakutsi dio udalak

SEAD Saharako Errepublika Arabiar Demokratikoa aldarrikatu zela 40 urte beteko direla eta adierazpen instituzionala egin du.

Ikerne Zarate

Errenteria-Orereta

2016/02/25

Tindoufeko Saharako errefuxiatuen kanpamentua

Errenteriako Udalak Saharar herriarekin duen “konpromiso tinkoa” berretsi du, eta SEAD Saharako Errepublika Arabiar Demokratikoa aldarrikatu zela 40 urte beteko direla eta adierazpen instituzionala egin du. Otsailaren 27an, larunbatean, beteko da urteurrena eta udalak gertakari historiko horrekin bat egin nahi duela adierazi du. Datuak ere eman ditu egindako adierazpenean, eta besteak beste, iaz Saharar errefuxiatuen kanpanmenduetan eroritako uholde-euriek 90.000 lagun baino gehiagori eragin dietela ekarri dute gogora, “horietatik 25.000 pertsona etxerik eta jatekorik gabe gelditu dira”. EHUko Hegoa Institutuak etaArnzadi Zientzia Elkarteak Euskal Fondoaren laguntzarekin ikerketa ere aipatu du udalak, “Marokoko Gobernuak saharar herritarren artean egindako bortxazko desgertzeak eta bonbardaketak ikertzen ari dira, eta horiek baliagarriak izango dira Saharar Herriaren aurkako genozidioagatik jarritako kereilaren ikerketan, eta egia, justizia eta erreparazioa lortzeko eskarietan”. Adierazpenean SEADeko gobernu legitimoa eta Fronte Polisarioa “errekonozitzen dituela” berretsi du udalak eta Saharar herriak legez autodeterminatzeko duen eskubidea aldarrikatu du. Marokoko agintariei giza eskubideen alde lanean ari diren saharako aktibisten aurkako jazarpena bertan behera utzi eta preso politikoak aska ditzala ere eskatu du Errenteriako Udalak bere adierazpenean. Desagertuta dauden 400 sahararretik gorakoen patua argi dezatela ere eskatu dio Marokori. Kanpamenduetan lanean jarritu “Tindufen (Aljeria) babestuta dauden errefuxiatuen kanpamenduetan, bai Marokok legez kontra okupatutako lurraldeetan lan egiteko konpromisoa ere berretsi egiten dugu”, gaineratu dute. Amaitzeko larunbatean udaletxeko balkoian Sahara Askatu leloa deun bereizgarria jarriko dutela jakinarazi dute. Declaración_Sahara_Adierazpena 27F

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.