Martxoaren 8ko mobilizazioetan parte hartzera deitu du udalak
Adierazpen instituzionala egin du udalak Emakumeen Nazioarteko Egunari begira, eta alderdi politiko guztien adostasunarekin egin du gainera.
Adierazpen instituzionala egin du udalak Emakumeen Nazioarteko Egunari begira, eta alderdi politiko guztien adostasunarekin egin du gainera. Adierazpen horretan, Martxoaren 8ak emakume eta gizonen arteko gizarte orekatua lortzeko oraindik ere egin beharreko lana agerian uzten duela esan du udalak eta “egunerokoa eta guztiona” izan behar duela berdintasun erreala lortzeko lana gaineratu du. Bost puntu ditu adierazpenak, eta bertan, emakumerik gabe ezin daitekeela demokraziarik eraiki jaso dute. Berdintasuna agenda politikoaren erdigunean kokatu behar dela argi esan du udalak, bestalde, eta emakumeen aurkako diskriminazio forma guztiak ezabatu behar direla gaineratu du. Erreferentzia egin dio indarkeriari matxistari, azkenik, “emakumeek XXi. mendean pairatzen jarraitzen duten indarkeria salatzen dugu. Bizitza pribatuan zein publikoan emakumeen aurka zuzendutako indarkeria forma guztiei aurre egin behar zaie eta ezabatu egin behar dira”.