Senideei Agurra dantzatu zieten, eta lore eskaintza egin zuten, Donibanen, komando antikapitalistetako lau kideak hil zituzten tokian
Rafael Delas, Pedro Mari Isart, Dioni Aizpuru eta Jose Mari Izura gogoratu zituzten larunbatean Donibanen
Larunbatean mendi martxa egin zuten Pasaiako Sarraski Argitu iniziatibaren bueltan bildu direnek. Hondarribitik abiatu ziren, Jaizkibelgo Talaia bidetik barrena, Donibanera iristeko. Han, duela 32 urte jazotakoak gogoan, Rafael Delas, Dionisio Aizpuru, Pedro Mª Isart eta Jose María Isidro Izura omendu zituzten, beren senideak bertan zirela.
Ondoren, luntxa eskaini zieten Bixi-Bixi elkartean senide eta lagunei, eta gertaeren gaineko dokumentala proiektatu zuten.
Hilaren 22an beteko dira Pasaiako segada gertatu zela 32 urte, eta gaur gaurkoz ez dago erantzulerik. Aitzitik,
kasua artxibatzeko asmoa jakinarazi diete orain gutxi senideei, eta
erabakiaren kontrako helegitea aurkeztu dute.
.