Darrow Fletcherren kontzertua, igandean, Zirizan

Asteburuan Donostian ospatuko duten Mojo Workin jaialdiaren barruko kontzertua da igandekoa; gaur hasi eta igandea bitartean musika afro-amerikarrak hartuko ditu kaleak.

olatz mitxelena

Pasaia

2016/03/18

Mojo Workin jaialdia Pasaiara iritsiko da aurten, Zirizara

Pasaia Musikal batu da aurten Donostian urtero ospatzen den Mojo Workin jaialdiaren antolakuntzara, eta horri eskerrak, igandeko kontzertua. 12:00etan izango da, Ziriza etxean. Sarrerak Internetez eros daitezke. Emanaldi oso berezia izango da Trintxerpekoa. Izan ere, familia osoari bideratutako saio musiko pedagogikoa izango da kontzertuaren atariko. Ondoren izango da Darrow Fletcher zuzenean entzuteko aukera, ekitaldi honetarako propio landu duen errepertorioarekin. Bukatzeko, hainbat DJk musika afro dantzagarriena hautatuko dute. Ibilbide oso aktiboa Darrow Fletcher Detroiten jaio zen 1957. urtean. Oraindik haurra zela Chicagora lekualdatu zen bere familiarekin, eta 14 urterekin grabatu zuen bere lehen lan arrakastatsua, The Pain Gets A Little Deeper. Hamahiru urtez aritu zen agertokietan, eta denbora tarte horretan 20 single garbatu zituen, bederatzi diskoetxe desberdinekin. Gaur egun, bere kantak munduko soul zale guztien aitortza dute. Bere garaian, Chitlin Circuit izenekoan jotzen zuen, eta ospe handiko artistekin konpartitu zuen oholtza, tartean, B B King, The Elgins, Stevie Wonder, The Capitols, Lee Dorsey edota Jimmy Ruffin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.