Baldintza duinekin lan egin nahi dutela aldarrikatu dute etxeko langileek
Etxeko lanetan ari diren etorkinek jasaten duten "diskriminazioa, esplotazioa, sexu jazarpena, matxismoa eta arrazakeria" salatu zuten bildutakoek.
Elkarretaratzea egin zuten atzo etxeko langileek beren nazioarteko egunaren harira. SOS Arrazakeriako Etxeko Langile Etorkinen taldeak deituta, eta Eskubide guztiak etxeko langileentzat leloa zuen pankartaren atzean, dagozkien eskubideen alde egin zuten bildutakoek. Dagozkien eskubideak aldarrikatzearekin batera, etxeko lanetan ari diren etorkinek jasaten duten “diskriminazioa, esplotazioa, sexu jazarpena, matxismoa eta arrazakeria” salatu zuten bildutakoek.
BERRIAk erreportajea egin du gaiaren gainean eta atzo elkarrateratu ziren emakume etorkinetako batzuekin hitz egin du haien egoera lehen eskutik ezagutzeko. 
