Errenteriako ondare historiko, artistiko eta naturala ezagutzera emateko bisita gidatuak antolatzen ditu udalak. Orain bisita horien gaineko informazioa webgunean bildu du.
Morrontxo eta Torrekuak babesten zuten ‘Frantziako atea’
Errenteriako ondare historiko, artistiko eta naturala ezagutzera emateko bisita gidatuak antolatzen ditu udalak. Orain bisita horien gaineko informazioa webgunean bildu du herritarrek zein bisitariek eskura izan dezaten.
Bisitariarentzat atala sortu du horren harira. Udalak antolatzen dituen bisitak Historia-Ondarea, Liburutegia eta Ondare naturalak eta paisiaiak. Lehenengoaren barruan Erdi Aroko morfologia duen Hirigune historikoaren garrantziaz mintzo dira eta udalerriaren itsas izaera zein industriagunearekin duen lotura ere azaltzen dute. Historia-ondarearen barruan, Egun batez batzarkide bisita egiten dute 5 eta 10 urte arteko haurrei begira. Udaletxea eta bere funtzionamendua ezagutzea du helburu bisita horrek. Atal beraren barruan, Errenteriaren 5 ateen bila bisita ere egiten dute, 8 eta 12 urte arteko haurrak dituzten familie begirakoa azken hori, eta pista jokoa da. Azkenik, Errenteria itsas hiria bisita antolatzen dute eta udalerriaren Erdi Aroko zein Aro Berriko historia azaltzen diete 13 urtetik gorakoei.
Aipatutako bisita horiek doakoak dira eta ikasle taldeei zein elkarteei eskaintzen dizkiete. Horrekin batera, urtean zehar piuntualki zabaltzen dizkiote bisita horiek herritarrei, tartean erroldatu berriei bi hilabetean behin. Ondare historikoaren barruko bisita gidatuak egin nahi dituztenek izena emateko 943 44 96 10 telefono zenbakira deitu behar dute edo
artxiboaren posta elektronikora mezua bidali.
Liburutegia
Liburutegia eta honen funtzionamendua ezagutzeko bisitak ere antolatzen ditu udalak. Garazi Lopez Etxezarreta zinegotziak azaldu duenez, “zerbitzua ezagutzera ematea da helburua eta harrera oso ona du gainera”. EPArekin harreman estua dutela gaineratu du Lopez Etxezarretak. Liburutegia bisitatzeko 943 44 96 35 telefono zenbakian eman behar dute izena interesdunek edo
liburutegiaren posta elektronikoan.
Azken bisita gidatuak Ondare naturala eta paisaiak atal barruan egiten ditu udalak. Horien barruan Añarbeko erreserba eremua, Aizpitarteko haitzuloetako aztarnak, Lau haizeta parkea eta San Marko gotorlekua, eta anfibioen bizileku den Malbazarko hezeguneetara hurbiltzen dira. Udaran antolatzen ditu bisita horiek udalak, eta helburua ondare naturala, bioaniztasuna eta paisaiari buruz ikastea. data eta prezioen gaineko informazioa webgunean bildu du udalak. Oarsoaldeak antolatzen dituen bisitak daude batetik, eta horretarako
turismo bulegoan eman behar dute izena interesdunek 943 49 45 21 telefono zenbakira deituta. Horretaz gain udan Udako abentura Listorretan bisitak antolatzen ditu Arditurrik. Azpitarteko kobetara, Aizpitarteko lehen gizakia, historiaurreko bizimoduak, eta Saguzarrak hurbiletik irteerak antolatzen dituzte. Bisita horien prezioa 16 eta 20 euro bitartekoa da eta interesdunek 943 49 50 69 edo 688 89 50 68 telefono zenbakietara deitu edo
Arditurriren posta elektronikora deitu behar dute.
