Pasaiak Beasain irabazi du, azken unean
3-2 irabazi dute zuri-gorriek, eta hirugarren garaipena dute errenkan
Partida oso lehiatua jokatu dute asteburuan Beasainek eta Pasaiak. Kontrario zuzenak dira bi taldeak, eta gogor aritu ziren borrokan Don Boscon hiru puntuak zeinek poltsikoratuko.
Partida bukatzear zela, eta penalti bati esker irabazi zuen neurketa Pasaiak. Aurretik, baina, izerdi galanta bota zuten zuri-gorriek. Partida hasi eta berehala aurreratu ziren markagailuan etxekoak, Tokik lehen minutuan sartutako golari esker.
Beasainek, ordea, ez zuen berehalakoen etsi eta defentsan trinkotuz aurre egin zion lehiari. Atsedenaldia iristear zela lortu zituzten bi golak beasaindarrek; lehena Aiertek sartu zuen eta Oruek bigarrena, ezkerkada batez.
Bigarren zatian nor baino nor aritu ziren, eta penalti eskaera bat eta baliogabe utzitako gola ere izan ziren tartean. Azkenik, baina, partida erabat baldintzatuko zuen jokaldia iritsi zen. Penalti bati esker sartu zuen Pasaiarentzako hirugarrena Urtzik. Markagailuan 3-2 irakur zitekeela iritsi zen partida bukaera.
Baloia Leunda tabernak eman du eta Don Bosco zelaiko zozketan 119 zenbakia saritu dute.
