Espainiako II. Errepubiklaren urteurrena ospatzeko jarduerak antolatu ditu Pikoketak

Trabajadoriak dokumentala proiektatuko dute ostiralean Trintxerpeko alkateordetzan

olatz mitxelena

2016/04/12

Ikurrina eta Errepublikako bandera, Antxoko azokan

Espainiako II. Errepublika aldarrikatu zutela 85. urteurrena beteko da ostegunean, eta data gogoratzeko hainbat ekitaldi antolatu ditu Pikoketa elkarte errepublikazaleak Pasaian. Urteurrenaren bezperan, asteazkenean (hilak 13), 20:00etan, errepublikako bandera igoko dute Trintxerpeko alkateordetzan, eta hilaren 14ean, Donibanen, gauza bera egingo dute 10:30ean. Horrez gain, ostiralean, Trabajadoriak dokumentala proiektatuko dute Trintxerpeko alkateordetzan, 20:00etan. Oiartzungo Kattin-Ttiki elkarteak ekoiztutako lana da, eta Oarsoaldean presoek frankismoaren agindupean egindako lanen inguruan dihardu. Tartean daude Aritxulegiko edota Jaizkibelgo errepideak. Azkenik, larunbatean, Donostian errepublikaren defentsan egingo duten manifestazioan parte hartzera deitu du Pikoketa elkarteak. 19:00etan aterako da manifestazioa Donostiako bulebarretik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.