RAP-a migrazio proiektuak lantzeko bitarteko
13 eta 18 urte arteko gazteei zuzenduta dago proiektua eta Bidez Bide elkartea eta Errenteriako Udalaren Kultur Aniztasuna, Garapenerako Lankidetza eta Giza Eskubideak Azpiatala daude atzean.
Euskal Herri kanpotik Errenteriara bizitzera etorritako gazteekin tailerra abiatuko dute Beraungo Gaztelekuan.Tailerrean bitartekoa Rap-a izango dute parte hartzen duten gazteek, eta helburua berriz, beren migrazio proiektua lantzea izango da. 13 eta 18 urte arteko gazteei zuzenduta dago proiektua eta Bidez Bide elkartea eta Errenteriako Udalaren Kultur Aniztasuna, Garapenerako Lankidetza eta Giza Eskubideak Azpiatala daude atzean.
Larunbatean hasiko da tailerra eta jaioterria utzi duten gazteek euren bizipenak eta esperientziak landuko dituzte Raparen bidez. Azken emaitza parte hartzen duten gazteen ama hizkuntzetan sortutako CDa argitaratzea izango da. Larunbatero errepikatuko dira tailerrak 10:30etik 13:30era, eta taldea mugatua izango da. Interesdunek izena eman beharko dute hortaz, 654 05 12 31 telefono zenbakira deituta edo Bidez Bide elkarteko posta elektronikora mezua bidalita.
