Liburutegiaren ordutegia zabaltzea eskatu du EAJ-k
Liburutegia larunbatetan zabalik izatea eskatu du Errenteriako EAJ-k, eta azterketa garaian, baita igandetan ere.
Liburutegia larunbatetan zabalik izatea eskatu du Errenteriako EAJ-k, eta azterketa garaian, baita igandetan ere. Neurriarekin, errenteriarrek asteburuan ere ikasteko aukera izan dezaten bilatzen duela esan du alderdi jeltzaleak, “inguruetako liburutegietara joan gabe”. Astelehenetik ostiralera 08:30etik 20:30era dago zabalik egun udal liburutegia, eta EAJk urte ososan zehar larunbata goizetan ere zabalik egotea eskatu du, 09:00etatik 13:00ak arte.
Azterketa garaian ordutegia larunbat arratsaldera eta igande goizera zabaltzea proposatu du gainera, “abenduan,urtarrilean, maiatzan eta ekainan larunbat arratsaldetan 16:00etatik 20:00etara eta igandeetan 09:00etatik 13:00etara zabaltzea proposatu dugu”. Hezkuntzak gazteen garapenean duen garrantzia nabarmendu du EAJk, “ezinbestekoa da beraz, beren formaziorako beharrezkoak diren baliabideak eta laguntza eskaintzea eta erraztea”.
Liburutegiaren ordutegia luzatzeko egin duen proposamena “gazteen mesederako” dela esan du EAJ-k. 
