Muga guztiak irekitzea eskatu du udalak

Errefuxiatuen tragediari buruzko adierazpen instituzionala aho batez onartu du Pasaiak eta Pasabide segurua manifestua bere egin du

olatz mitxelena

Pasaia

2016/04/15

Errefuxiatuak pilatuta bizi dira, muga igarotzeko aukera baten zain

Zortzi puntuko adierazpen instituzionala adostu du gaur Pasaiako Udalak, “errefuxiatuen tragedia” salatu eta Europako batzordeari, bertako estatuei eta Espainiako estatuari konpromiso zehatzak exijitzeko. Idomenira giza laguntza “berehalakoan” bidaltzeko eskatu dute, eta Europako Batasunaren barruko muga guztiak irekitzea exijitu, “itxierak eragin duen krisi humanitarioa” bideratzeko. Era berean, Europara sartzeko “bide seguruak” ezartzeko eskatu du udalak, eta asilo eskubideari dagokionez nazioarteko araudia errespetatzeko eskatu du. Bide beretik, migrazio politikak aldatu eta atzerritarren legea bertan behera utz dezatela eskatu dute, “elkartasunean eta giza eskubideekiko errespetuan oinarritutako politikak indartuz”. Horrez gain, pertsonen mugitzeko askatasuna bermatzeko eskatu dute. ‘Pasabide segurua’ Udalak bat egiten du Europa osoko gizarte-erakunde, sindikatu eta alderdi politikoek sinatutako Pasabide segurua manifestuarekin. Ildo horretan, EBri eta estatu kideei eskatu die korridore humanitarioak sortzeko agindu dezaten, eta Europar Batasuneko 28 estatu kideen artean ahalbidetu dezaten pertsona horien asiloa. Azkenik, Europako Batasunak eta Turkiak egindako aurreakordioa errefusatu eta Europako Kontseiluan errefuxiatuen nazioarteko eskubideak eta giza arreta bilduko dituzten irtenbideak bila ditzatela eskatu dute. Erakunde adierazpena

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.