[Argazki galeria] Gipuzkoako txapelketako sei bandera eskualdera
Hiruna bandera lortu dituzte Hibaikak eta San Jaun Donibane Koxtapek
Batel festa izan da asteburuan Pasaian. San Pedrok antolatuta, Gipuzkoako Batel Txapelketa jokatu da asteburuan badian. Larunbatean sailkapen estropada eta txapelketa igandean. Hibaikako neskek hiru bandera irabazi dituzte, Haurren Mailan, Kadetetan eta Senior Absolutuetan. Pasai Donibane Koxtaperentzat izan dira beste hiru banderak: mutil seniorrek eta gazte mailakoek irabazi dute bandera, eta baita gazte mailako neskek ere. Hibaikako Maddi Retegik ziaboga onenari saria irabazi zuen atzo, baita San Juango Maider Etxaniz eta Inder Paredesek ere. Txapelketa irabazi duten denek, Legution dute burua jada, han jokatuko baita asteburuan Euskadiko Txapelketa.