09:30ean abiatuko da Errenteria-Oreretako Herriko Plazatik San Markoko mendi lasterketa. 300 partaiderentzako tokia dago, eta izena emateko aukera, zabalik.
2014ko edizioan, korrikalariak helmugara iristen
11,5 kilometroko ibilbidearekin, igandean egingo dute San Markoko Igoeraren aro berriko hirugarren ekitaldia. 09:30ean da hastekoa lasterketa Herriko Plazatik, eta partaideek hamaika kilometro eta erdi horietan 600 metroko gora-beherari aurre egin beharko diote. Junior, senior eta beteranoen kategorietarako lasterketa da. Errenteria Atletismo Taldearen esku dago, urtero bezala, antolakuntza.
Izena emateko aukera zabalik dago,
Kirolprobak plataformaren webgunean, 15 euroan. 16 urtetik gorakoentzako proba da, eta gehienez 300 partaiderentzako plazak daude. Errenteria erdialdetik Bizarain alderako bidean hiru hornidura postu egongo dira.
Dortsalak probaren egunean bertan jaso behar dira, 08:00etatik aurrera udaletxeko arkupetan. Bertan utzi ahal izango dituzte partaideek euren motxila eta poltsak, ondoren, San Markon bertan jasotzeko (furgoneta batean hara igoko dituzte). Menditik herrigunera jasiteko autobusak doan izango dituzte partaideek, dortsala erakutsi besterik ez dute egin behar zerbitzua baliatzeko.
Xehetasun gehiago
Errenteria Atletismo Taldearen webgunean aurki daitezke.