Iker Sarriegi: "Mendeku politikaren barruan kokatu behar da zigor eskaera"
Iker Sarriegi abokatu oiartzuarrarentzat 10 urteko espetxe eskaera egin du fiskaltzak.
Hiru abokatu eta euskal presoen aldeko sostenguan aritutako beste sei lagunen kontra 7 eta 19 urte arteko espetxe eskaera egin du fiskaltzak. Tartean Iker Sarriegi abokatu oiartzuarra dago, eta azken horrentzat 10 urteko espetxe eskaera egin du. Filtrazio bidez jakin dutela eskeraren berri eta jakikarazpen ofizilik ez dutela jaso esan du Sarriegik. “Bakarrik dago urte eskaera beste ezer ez dakigu. Zein argudio erabili dituzten horretarako ere ez dakigu”. Mendeku politikaren barruan kokatu du eskaera Sarriegik: “Handia da oso egin duten esakera eta ezker abertzalea eta presoen inguruko sostengua blokeatzen jarraitzeko saiakeraren barruan kokatu beharra dago”.
2010eako apirilean, orain sei urte, euskal presoen sostengurako lanean ari ziren pertsonen aurkako operazioaren barruan atxilotu zuten Sarriegi. Berekin batera Arantza Zulueta eta Jon Enparantza abokatuak ere atxilotu zituzten. Presoen sustenguan zebiltzan beste sei lagun ere atxilotu zituzten. Horietatik bost espetxeratu zituzten, hiru abokatuak eta Saioa Agirre eta Naiara Zuriarrain. Abokatuak zortzi hilabetera askatu zituzten eta beste biak urtebetera.
Sei urte joan dira operazio hartatik eta ordundik “zain” izan direla gaineratu du Sarriegik. Javier Gomez Bermudeze Espainiao Auzitegi Nazionaleko epaileak eraman zuen lehenik auzia, eta orain Angela Murilloren eskutan dago. “Urte asko pasa da, egoera ere aldatu da, baina beraiek erakutsi nahi dute hor direla, hor jarraituko dutela eta inposaketa horretan mantentzen dira”. Aste honetan bertan izandako polizia operazio eta atxiloketek ere hori erakusten dutela gaineratu du abokatuak “blokeoa mantendu nahi dute”.
Epaiketa datarik ez dago zehaztuta oraindik, baina hilabete batzuk barru izango dela, “udara ostean” esan du Sarriegik. Itxaropen handirik ez du ezer aldatuko denik, eta epaiketak aurrera jarraituko duela sinistuta dago abokatua.
