Harategi batean lapurtzen ari zen gazte bat atxilotu du Ertzaintzak
Ertzaintzak hamahiru aldiz atxilotu du eta une honetan, Donostiako guardia epaitegiaren esku utzi du.
Errenteriako erdialdeko harategi batean lapurtzen ari zen 23 urteko gazte bat atxilotu du Ertzaintzak Eusko Jaurlaritzaren Segurtasun Sailak jakinarazi duenez. Goizaldeko bost eta erdiak inguruan izan da gertakaria.Iturri horien arabera, lehendik aurrekari asko ditu atxilotutako gazteak. Harategira sartzeko ateko kristala apurtu du eta bertan zegoela atxilotu du Ertzaintzak indarra erabiliz lapurreta egitea egotzita.
Azken egunetan hiru aldiz atxilotu dutela gaztea gaineratu du Segurtasun Sailak. Joan den astean beste gizon batekin batera atxilotu zuten Zestoako fruta denda bateko atea ostikoz ireki eta dendan lapurtzeagatik. Asteartean, berriz, La Paz auzoko lurrin denda batean lapurtzeagatik eraman zuten atxilo. Ertzaintzak hamahiru aldiz atxilotu du eta une honetan, Donostiako guardia epaitegiaren esku utzi du.
