Txakurrentzako parke bat egitea proposatu du EAJ-k

Inbertsio handirik ez duela eskatzen-eta lehen esperientzia martxan jartzeko eskatu dio Oiarbidek udalari.

2016/04/22

Txakurrentzako parkea sortzeko proposatu duten eremuan Garbiñe Oiarbide eta Eli Murua

Txakurrak askatuta egoteko hesitutako eremu bat sortzea proposatu du Errenteriako EAJk. Eremu horri, gainera, jarri diote kokapena: Txirrita parkea. “Gaur egun errenteriar ugarik dute animalia eta horiei herrian txoko bat eskaini behar zaiela uste dugu”, esan du Garbiñe Oiarbide zinegotziak, eta eremu horretarako elkarbizitza egoki bat bermatuko duen erabilera arauak ezarriko liratekela gaineratu du. “Txakurrak dituzten herritarrei, hauekin herriaz gozatzeko aukera ere zor zaiela pentsatzen dugu. Txakurrek ere merezi dute gure herrian txoko bat, jabeen ardurapean eta beste txakur eta pertsonekin elkarbizitza egokia mantenduz, libreki mugitzeko” Halako eremuak dagoeneko inguruko herrietan badirela esan du Oiarbidek, “Irunen badute, eta Donostian ere laster izango dute txakurrentzako parkea eta bide hori jarraitzea errenteriar guztientzat onuragarria izango dela uste dugu animñienganako errespetua eta maitasuna gizarte honen balore garrantzitsua dela deritzogulako”. Inbertsio handirik ez duela eskatzen gaineratu du Oiarbidek eta lehen esperientzia martxan jartzeko eskatu dio udalari, “emaitzak ikusita, eremu hauek auzoz auzo zabaltzea etorkizunean proposatuko genuke”. Animalien jabeei ere deia egin die Oiarbidek, “erantzukizun eta ardurak bete ditzaten. Ez da bidezkoa herriko zenbait tokitan, Iztietako pasealekuan adibidez, lurrera begira joan behar izatea, txakurren gorotzak ez zapaltzeko arduragabeak diren jabeek ez dituztelako jaso”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.