Puntu ilunen diagnostikoa aurkeztuko dute Trintxerpen

Bihar da aurkezpena (hilak 27), 18:30ean, alkateordetzan

olatz mitxelena

2016/04/26

Puntu ilunak identifikatzeko lehen saioa

Pasa den urrian eskualdean emakumeentzat egon daitezkeen puntu ilunak identifikatzeko parte-hartze prozesua jarri zen martxan. Lezoko Udalak bultzatu zuen prozesua, Emakunde eta Oarsoalde SAren laguntzarekin, eta Errenteria, Pasaia eta Oiartzungo udalekin elkarlanean. Hirurogeita hamar tokitik gora identifikatu dira eskualdean prozesu honen ondorioz; argiztapen gutxiegi duten toki bakarti edota ezkutalekuak dira gehientsuenak. Tokiak identifikatzeaz batera, horiek desagerrarazteko edo sortzen duten segurtasun ezaren sentsazioa leuntzeko proposamenak jaso dira. Biharko aurkezpenean, –18:00etan, Trintxerpeko Alkateordetzan– diagnostikoaren emaitza nagusiak ezagutzeko aukera izango da, eta eskualdeko arazo nagusien berri emateaz gain, Pasaian identifikatutako tokien inguruko azterketa egingo da. Zazpi lantalde Eskualde osoan zazpi lantalde sortu ziren, herrietan emakumeentzako arriskutsuak izan daitezkeen, eta arrisku sentsazioa edo deserosotasuna sortu dezaketen gune eta tokiak identifikatzeko, eta espazio horiek desagerrarazteko pausuak emateko asmoarekin. Lantaldeez aparte, ekarpenak jasotzeko tresna birtuala ere jarri zen martxan, edozeinek bere ekarpenak egiteko aukera emateko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.