Portuko Administrazio kontseiluan erakundeetako ordezkariek izan zuten jarreraz jakin nahi dute
![lonja, san pedro, lanak, eh bildu](http://oarsoaldea.hitza.eus/site/files/2016/02/lonja1.jpg)
San Pedroko arrandegi berriko lanak aspaldi eten zituzten
Aldundiko Ahal Dugu taldeak lonjaren lanen gainean “beharrezkok diren azalpen guztiak” eskatuko dituela iragarri du. Lanen kostua %46 zergatik handitu den argitu nahi du Ahal Dugu-k, baina hori bakarrik ez. Apirilaren 5ean Portuko Agintaritzan izan zen administrazio kontseiluan erakundeetako ordezkariek izan zuten jarreraren gaineko azalpenak entzun nahi dituzte ere.
“Kezka” agertu du Ahal Dugu-k hedabideen bitartez ezagutu diren azken albisteen harira. “Argitaratu dena baieztatuko balitz, denon interesekoa den gai batean eta guztion diruarekin, egin behar ez denaren adibide baten aurrean ginateke”, salatu dute.