Itxieraren aurrean, gaztetxearen aldeko deiadarra
Antxon gune autogestionatu bat behar dela eskatu dute hamarnaka lagunek.
Gaztetxea ez ixteko ahotsa ozen entzun da gaur Pasai Antxon. Hamarnaka eta hamarnaka lagun elkartu dira Axular plazako gaztetxean, eta Gure Zumardirainoko bidea egin dute Antxon gune autogestionatu bat behar dela eskatuz. PAGA Pasai Antxoko Gazte Asanbladak egin du deialdia.
Hiru hamarkadaren ondoren, Antxo gaztetxerik gabe geratu da, Pasaiako Udalak gaztetxea ixteko dekretua sinatu eta gero. Gazte asanbladak onartu du gaztetxeak ez dituela baldintza egokiak biltzen, eta lokalaren egoera kaxkarra ez ezik, inguruan bizi direnentzako eragozpenak aitortu dituzte. Edonola ere, Antxok gaztetxe bat behar duela argi dute, eta, udalak ez duela alternatibarik eskaini salatu dute.
Antxoko gaztetxearen aldeko manifestazioa. (Argazkia: Maialen Aranburu).
