Julen Mendozak gezurtatu du Portuko Administrazio Kontseiluan kontra bozkatu zuenik

Errenteriako alkateak esan du ez zela izan bileran eta oraindik ez dituela aktak jaso

oarsoaldea

2016/05/02

Julen Mendoza Errenteriako alkatea

Pasaiako lonja berria eraikitzeko lanetan atzeman dituzten ustezko irregulartasunen harira hitz egin du Errenteriako alkate Julen Mendozak, eta gezurtatu du apirilaren 5ean egin zuten Administrazio Kontseiluan kontra bozkatu zutenik. “Gezurra da Estatuko abokatuak Fiskaltzari Pasaiako Portuko gertaeren berri emateko proposamenaren aurka bozkatu nuela”, esan du Mendozak, eta lehengo apirilaren 5ean egin zen Administrazio Kontseiluan ez zela izan gaineratu, “saihestu ezinezko arrazoi pertsonalak zirela medio”. Bileraren aktak oraindik ez dituela jaso argitu nahi izan du, bide batez, Mendozak. Errenteriako alkateak azaldu du “gertaera larri” horien berri izan zuen bezain pronto Bozeramaileen Batzordea deitu zuela, “Errenteriako Udaleko gainerako alderdi politikoei egoeraren berri emateko”, eta era berean, “gaia konplexua eta dokumentazio ugariko izanik”, udal teknikariei txostena egiteko eskatu ziela. “Aurrerantzean, Errenteriako alkateak udal teknikariek emandako txostenetan jasotakoaren arabera jardungo du” iragarri du, eta Portuko Administrazio Kontseiluko gainontzeko kontseilariei ere hala jakinaraziko diela” aurreratu du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.