Ekonomia sozial, solidario eta elkarlanekoari buruzko lehenengo topaketa ospatuko da Torrekua eraikinean maiatzaren 10ean.
![prentsaurrekoa, ekonomia eredu berria](http://oarsoaldea.hitza.eus/site/files/2016/05/prentsaurrekoa-ekonomia-eredu-berria.jpg)
Ekonomia sozial, solidario eta elkarlanekoari buruzko lehenengo topaketaren aurkezpena
Gizarte-aurrerapena errazten duen enpresa-eredu berrirantz izeneko jardunaldia egingo da maiatzaren 10ean Torrekua eraikinean. Oarsoaldean egingo den lehenengo topaketa izango da eta ekonomia egiteko beste modu bat ezagutzeko aukera eskainiko da bertan; ekonomia sozial, solidario eta elkarlanekoa.
Jardunaldia aurkeztu dute gaur Julen Mendoza Errenteria-Oreretako alkate eta Oarsoaldea Garapen Agentziako lehendakariak, Beñat Irasuegi Olatukoopeko kideak, Fernando Nebreda Oarsoaldea Garapen Agentziako gerenteak eta Sergio Ekiza Oarsoaldeko kontseilariak. Mendozak aipatu du jardunaldi honekin Errenterian eta Oarsoaldean ekintzailetza eta enpresaren eredu berriak bultzatzen laguntzeko sentsibilizatu nahi dela. “Kalitatezko enplegua sortu nahi da”, azpimarratu du.
Olatukoopeko kide Irasuegik ekonomia egiteko beste modu bat badagoela aipatu du, “alternatibak ikusi, ezagutu eta zabaltzea da helburua”. Bestetik, Fernando Nebredak nabarmendu du Oarsoaldeko Garapen Agentziarentzako garrantzi handia duela jardunaldi honek, eredu sozio ekonomiko tradizionalak mugak dauzkalako.
Azkenik, Sergio Ekizak aurkeztu du maiatzaren 10eko egitaraua: (edukiera mugatuagatik, bertaratzea baieztatu
helbide elektroniko honetan)
Goizez
11:00 Ongietorria
11:10
Ekai Research, S.L.
Hitzaldia: Oarsoaldea: enpresa ikuspegia eta gizarte-ekonomiaren sustapena ikerketa-azterlana aurkeztea
.
11:30
Fiare banku etikoa eta koop 57.
Hitzaldia: Finantza etikoak, aukerak. 11:50 Atsedenaldia-kafea.
12:15
Oarsoaldeko Elikadura Burujabetzaren Aldeko Eragileak/ Iruñako Landare Kooperatiba
Hitzaldia: Elikaduraren burujabetza bultzatuz. Funtzionamenduan eta hasiz esperientziak: Iruñako kontsumo kooperatiba. Oarsoaldean kontsumo kooperatiba.
12:45
Lea Artibaiko Garapen Agentzia
Hitzaldia: Ekonomia urdina. Eredu berriarekin esperimentatuz. Lea Artibain esperientzia abian.
13:15 Amaiera.
Arratsaldez
18:00 Ongietorria
18:10
Jordi Via. Bartzelonako Udalean ekonomia kooperatiboaren, sozialaren eta solidarioaren ordezkaria.
Hitzaldia: Ekonomia sozial eta solidarioaren garapenean tokiko administrazioaren rola.
20:00
Eñaut Gracia. Errenteriako zinegotzia.
Konklusioak.
20:15 Amaiera.