Erremonte txapelketako final aurrekoak jokatuko dituzte Ibaiondon

Uterga-Aizpuru III eta Ansa II-Barrenetxea IV bikoteak izango dira aurrez aurre, igandean

olatz mitxelena

2016/05/11

Gipuzkoako erremonteko final aurrekoak Ibaiondon jokatuko dituzte

VII. Erremonte Koparen zazpigarren edizioa jokoan da aurten, Gipuzkoako Foru Aldundiak antolatuta. Datorren igandean, hilak 15, 17:30ean, Antxoko Ibaiondo pilotaleku berrian jokatuko dira txapelketako final aurreko partidak. Ibaiondon Uterga-Aizpuru III eta Ansa II-Barrenetxea IV ariko dira nor baino nor. Bi final aurreko jokatzen dira partidu bikoitzera, eta gero azken partida. Finala Zumarragan jokatuko da, ekainaren 12an, baina aurrez beste bi fanalerdi jokatuko dituzte Zestoan eta Errenterian. Zestoako finalerdiak maiatzaren 20an jokatuko dituzte, eta ekainaren 5ean, Errenteria-Oreretakoak Fanderiako Agustina Otaola pilotalekuan. Gipuzkoar asko Txapelketako antolatzaileek nabarmendu dutenez, aurtengo bikoteetan esperientzia duten profesionalekin erremontista gazteak nahastu dituzte gazteei aukerak eman asmoz, “haiek direlako espezialitatearen berehalako etorkizuna” eta “gazteek esperientzia eta ospea hartzeko egungo espezialista onekin batera aritu behar dutelako txapelketa inportanteetan”. Bikote guztietan daude erremontista gipuzkoarrak. Gainera, aurtengo edizioan 2016ko Sagardoaren Txapelketako bi bikote finalistek hartuko dute parte: Uterga-Aizpuru III eta Segurola-Endika. Horiekin batera, Ansa II-Barrenetxea IV gipuzkoar bikote gaztea, eta azkenik Urriza-Zaldua bikotea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.