Txuntxuneroen kalejirarekin hasiko dira igandean Donibaneko musika jardunaldiak

Zortzi kontzertu antolatu ditu Itsas Mendik XXVI. Musika Jardunaldien barruan.

olatz mitxelena

2016/05/11

Iaz, Donostiako Orfeoiak kantatu zuen Donibanen, musika jardunaldien XXV. urteurrenean

Igandean hasi eta ekaineko lehen asteburura bitartean, zortzi kontzertu izango dira Pasai Donibanen Itsas Mendik XXVI. Musika Jardunaldien barruan antolatuta. 1990. urtean antolatu zituen lehenbizikoz musika jardunaldiak elkarteko txistulari taldeak. Egitarau xume batekin abiatu ziren, baina urteen poderioz, gero eta oihartzun handiagoa lortu eta azken urtetan musikaren erakusleiho garrantzitsu izan ohi dira Donibaneko jardunaldiak. Aurtengo ekitaldiko logotikoa eta kartelaren irudia Joseba Antxustegitxartek egin du, jardunaldien lehen ekitaldian bezala. Azken urtetan, ordea, Juanba Berasategik sortu du irudia. Antolakuntzak eskerrak luzatu dizkie bi marrazkigile sanjuandarrei, beren ekarpen desinteresatuarengatik.

Egitaraua: Hilak 15 (igandea): Mugarik Gabeko Txuntxuneroak kalez kale irtengo dira eguerdian. Hilak 20 (ostirala): Pasai Txiki Abesbatza, San Joan Batailatzailearen parrokian. Hilak 21 (larunbata): Araoz Gazte Abesbatza, San Joan Batailatzailearen parrokian. Hilak 27 (ostirala): Sutargi Abesbatza, San Joan Batailatzailearen parrokian. Hilak 28 (larunbata): Leioa Kantika Korala, San Joan Batailatzailearen parrokian. Hilak 29 (igandea): Itsas Mendi Txistulari Taldea, 13:00etan, Santiago plazan. Ekainak 3 (ostirala): Santa Cecilia Abesbatza, San Joan Batailatzailearen parrokian. Ekainak (larunbata): Donibane Kantuan, San Joan Batailatzailearen parrokian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.