Ateak zabalduko dituzte erretiratuek, laugarrenez

Hilaren 16an, astelehena, hasi eta 20ra arte hainbat ekintza antolatu dituzte erretiratuek nahi duen herritar orok parte har dezan.

Ikerne Zarate

Errenteria-Orereta

2016/05/13

Aurreko ekitaldi bateko omenaldia

IV Ateak Zabalduz programa aurkeztu dute gaur goizean Errenteria-Oreretako zortzi erretiratuen elkarteek. Hilaren 16an, astelehena, hasi eta 20ra arte hainbat ekintza antolatu dituzte erretiratuek nahi duen herritar orok parte har dezan. Erretiratu elkarte guztietako ordezkariek hartu dute parte agerraldian eta baita Nagore Basurto Gizarte Zerbitzuetako azpisaileko zinegotziak. Astelehenean ikasturtean zehar elkarte bakoitzean egindako lanekin osatutako erakusketa zabalduko dute Merkatuzarren. Baina horrekin batera, abesbatzen topaketa, zine foruma, hitzaldia, kirol jarduera, topaketa, eta euskal jira antolatu dituzte. Hilaren 19an, osteguna, jolas saio erraldoia egingo dute gainera erretiratuek udal gaztelekuekin batera. Ostiralean berriz omenaldia, bazkaria eta dantzaldiaren txanda izango dira. Egitaraua Astelehena,16

10:00-13:00: Erakusketaren antolaketa Merkatuzarren.
20:00 Fatimako andra Mariaren Parrokian abesbatzen topaketa: San Agustinetako Erretiratuen elkartea, Beti Bizkorreko Beti alai, Beraungo Coro Popular, Zaria Koru Eskolako Zaritxo eta Zarigaz.

Asteartea, 17

10:15: Zineforuma Niessen Kulturgunean. El estudiante filma emango dute eta Ion Collarrek gidatuko du.
18:00: Hitzaldia: Esperientzia hainbat historietan. Elena Iraolagoitia eta Eva Perez de albeniz (Adinsu) izango dira hizlariak. Ondoren mahai ingurua: Mari Mar Sanchez (moderatzailea, Juan Carlos Merino (Nagusilan Errenteria), Pablo Becerra (Errenteriako EPAko irakasle ohia), Izaskun Mendikute (Helduen Hitza Donostia), Arrasate Berasaluze eta Carmen Juez (Ikasten Elkartea Debabarrena).

Asteazkena, 18

Kirol Jarduerak Galtzarabordako kiroldegian (ordua zehaztu gabe)
17:00-20:00: Errenterian barrena Euskal Jira: Merkatuzar, Koldo Mixelena Plaza, Biteri Kalea, Foru plaza, Zumardia, Herriko plaza. Errenteriako Musika Eskolako musikariekin.

Osteguna, 19

10:00-13:00: Lagunkide-Acogeren topaketa Merkatuzarren.
17:00-20:00: Jolas saio erraldoia Merkatuzarren Errenteriako Udal Gaztelekuekin batera.

Ostirala,20

12:00: Omenaldia. Bazkaria eta ondoren dantzaldia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.