[Argazki galeria] Oraindik asko dago egiteko

Eskola Agenda 21n barruan foroa egin dute udaletxean ikasleek gaur goizean. Julen Mendoza alkateak adi entzun ditu ondorioak eta eskaerak.

Ikerne Zarate

Errenteria-Orereta

2016/05/17

Alkatea ikasleekin hitz egiten gaurko Eskola Agenda 21 foroan

Eskolako Agenda 21 proiektuaren barruan foroa egin dute gaur goizean udaletxean herriko ikastetxeetako haurrek. Julen Mendoza lakateak adi entzun ditu ikasleek hondakinen gainean zein elikadura alorrean eman dituzten aholkuak. Konpromisoak ere hartu dituzte, eta udalari ere jarri dizkiote etxeko lanak gaurko saioan. Ondorioa argia: Hondakinen alorrean asko dagoela egiteko oraindik, “egiten duguna baino askoz ere gehiago birziklatu daitekeelako”. Lehen Hezkuntza, DBH eta Lanbide Heziketa ikasleak izan dira pleno aretoan egindako azterketen ondorioak ezagutarazten eta batez ere aurrerantzean adostu dituzten neurriak azaltzen. Elikadura eta Hondakinak izan dituzte langai honakoan, eta besteak beste errenteriarren erosketa ohituren gainean, elikagai ekologikoen gainean eta birziklatzearen gainean galdeketak egin dituzte. Elikaduraren alorrean ateratako ondorioa ere, argia izan da: Tokian tokikoak eta garikoak kotsumitzea askoz ere egokiagoa dela. Janariaren herena, zaborretara Munduan sortzen den elikagaien herena botatzen dela esan dute Lanbide Heziketako ordezkariek, “munduan jendeak gosea pasatzen duen bitartean”. Botatzen den janari horrekin zer egin aztertu beharko litzatekeela esan dute behar dutenengana iristarazteko. Konpromisoen atalean besteak beste, hamaiketakoarekin bilgarri ahalik eta gutxien erabiltzea eta ahal dela tuperrak edo oihalezko poltsak izatea, fruta eramatea hamaiketakoa egiteko, edukiontziak erabiltzea, eta edukiontzi marroia zuzen erabiltzea organikoa birziklatzeko. Udalari ere egin diote esakaera bat baino gehiago: Bertako produktuen prezioa merketzeko laguntzak ematea ekoizleei, eta ikastetxeetara janaria daramaten enpresen ordez langabezian diren gurasoek har dezaten ardura hori, “bertako eta kalitatezko produktuekin prestatzeko eguneroko janaria eskoletan”. Kontsumo taldeen gaineko informazioa zabal dezala ere eskatu diote ikasleek alkateari gaur eta 0 km eta produktu ekologikoena ere, halaber. Hondakinen bilketa eta birziklatzearen gainean kanpainak egiten jarraitzeko ere eskatu diote. Ikasleen proposamen guztiak ongi bildu ditu Mendozak, eta Errenteriako Udala bide horretan lan egiten jarraituko duela esan die egindako “lan handia” eskertu eta gero.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.