Samina, Antxon, mendizalearen heriotzarengatik
Via ferrata bat egitetik bueltan, harri bat gainera erori eta kolpeak eragin dio heriotza
Antxotarra da atzo Huescan istripuan hildako 44 urteko mendizalea. Ezusteko heriotzak samina eragin du barrutian.
Mallos de Riglosen gertatu zen mendi istripua, Peña Don Justo izenez ezaguna den inguruan. Zendutako mendizalea, beste bost lagunekin via ferrata bat egitetik zetorren, kotxera bidean, harri bat gainera erori zitzaionean. Kaskoa soinean zeraman arren, kolpeak heriotza eragin zion.
Lagunek abisua emanda, Guardia Zibilaren helikoptero bat saiatu zen istripuaren lekura gerturatzen, baina haize bortitzarengatik ezin izan zuten gertu lurra hartu. Ondorioz Riglosera buelta hartu eta medikoa autoz lehenbizi eta oinez gero, istripuaren lekura gerturatu zuten. Zoritxarrez, hura tokira iristerako heriotza berretsi beste aukerarik ez zuen izan.
