#24orduMartxan jaialdia, larunbatean Lezon

#24orduMartxan elkartasun egitasmoak jaia izango du Lezon larunbatean. Juneren Hegoak eta Markelen Irria elkarteen alde Arkaitz Ericek 24 orduko martxa bat egingo du.

Urko Etxebeste

Lezo

2016/05/24

Egun beteko jaia osatu dute martxaren bultzatzaileek

Arkaitz Kalu Ericek 24 orduko elkartasun martxa egingo du ostiraletik larunbatera Juneren Hegoak eta Markelen Irria elkarteen alde. Ostiraleko (hilak 27) 19:00etan abiatuko da Erice, nahi duen guztiarekin, Errenteria-Oreretako Niesseneko plazatik ibilbidea egitera, eta Lezon bukatuko du ekintza solidarioa, larunbatean (hilak 28), 19:00etan Lezon. Abiatu aurretik, 18:45ean txupinazoa egingo dute Errenteria-Oreretako Niessengo plazan, eta ondoren, 19:00etatik 21:00etara pintxo pote herrikoia. Lezora 20:3oean iritsiko da martxa: Gurutze Santuaren plazan harrera egiteko eskatu diete herritarrei. Horregatik, egun beteko festa antolatu dute Lezon Ericeri babesa emateaz gain, bi elkarte horien alde egiteko. Honakoa da larunbateko jaialdiaren egitaraua (ekitaldiak Bekoerrota kiroldegian eta inguruan egingo dira):

10:00etan, txaranga kalejira.
11:30-13:00, haurrentzako jokoak, sarreren salmentarekin.
12:00, ekitaldiaren aurkezpena.
12:15-13:00, Kexarik gabeko mundu batengatik hitzaldia, Juan Jose Lertxundiren eskutik.
13:00-14:00, Elektrotxufla.
14:00-16:00, herri paella jatea, Olga Grande irratiko musika esatariak alaitua.
16:00-18:00, haurrentzako jokoak, sarreren salmentarekin.
16:00-18:00, abesbatzak, dantzariak eta bertsolariak.
18:00-20:00, herri pintxo potea Olga Granderekin.
19:00, #24orduMartxan ekitaldiaren amaiera.

Egunerako propio elastikoak atera dituzte. Horiek honako tokietan eros daitezke:

Lezon: Gure Txoko, Sorgin, Azkena eta Sotxo tabernetan.
Errenteria-Oreretan: Kerala eta Desira tabernetan, eta Juneren Hegoak elkartearen egoitzan (Martin Etxeberria kalea, 15).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.