Demoarso iniziatibak 560 lezoarren babesa jaso du

Gaur, bihar eta etzi ere mahaiak jarriko dituzte Demoarso iniziatiba babestu nahi dutenen atxikimendu bila.

2016/05/25

Joan den larunbatean, herritarrak sinadura ematen, Karlos Saldisen.

Gure Esku Dago-k proposatutako Demoarso prozesuaren barruko herri galdeketak jada 560 lezoarren babesa du. Eta gehiago izango dira, izan ere, ekainaren 3ra arteko epea ezarri dute Lezon atxikimenduak jasotzeko. 600etan jarri dute helburua. Azken hamar egunetan bultzada eman nahi diote lezoarren onespena bilatzeko bilketari Lezoko Gure Esku Dago-ko kideek. Horregatik, hainbat egun eta tokitan jarriko dituzte mahaiak. Honakoak:

Egunero, Oroitzene AEK euskaltegian, 11:30etik 14:30era.
Gaur (asteazkena, hilak 25) Txerrimuñon jarriko dute mahaia, 18:00etatik 20:00etara.
Bihar (osteguna, hilak 26) Altamirako Altzate Auzo Elkartearen egoitzan jarriko dute mahaia, 18:00etatik 20:00etara.
Etzi (ostirala, hilak 27) Zubitxo kalean eta Azkena taberna inguruan jarriko dute mahaia, 18:00etatik 20:00etara.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.