Hainbat herrialdetako ipuinak Lezora iritsiko dira bihar (hilak 26, osteguna). Euskal Herriko, Kamerungo, Benineko eta Kolonbiako kontalariak izango dira Institutuan eta liburutegian.
![Agnes Agbotonen](http://oarsoaldea.hitza.eus/site/files/2016/05/Agboton-1.jpg)
Agnes Agbotonen benindarra Lezon izango da.
Bihar (osteguna, hilak 26) munduko ipuin eta kondairak Lezora iritsiko dira, Institutura eta Andreone liburutegira zehazki. Kultura aniztasuna bor-bor egongo da, beraz, herrian, hizlari bakoitzak bere nortasun propiotik bere herrialdeko istorioak herrira ekarriko dituelako.
Lehen kontakizunak Lezo Institutuan egingo dituzte. Horrela, 14:30ean hasita, Samuel Mountoumnjouen kamerundarrak, Agnes Agbotonen benindarrak, eta Alekosen kolonbiarrak euren herrialdetako kulturaren zati bat ekarriko dute.
Arratsaldean, 17:30ean, Andreonera joango dira ipuin kontalariak. Zehazki, Samuel Mountoumnjouen eta Maider Galartza ariko dira kontu kontari.
Herritarrei animatzeko eskatu diete, “kontakizun ezin hobeak entzuteko parada izango da”.