Bertsotan Jolas, Tallerraren proposamen berria

Taillerraren arduradun den Maitri Ugaldek eta Jon Martin bertsolariak gidatuko dute ikastaroa.

2016/05/30

Tallerran hezkuntza sortzailearen ikuspuntutik antolatzen ditu Ugaldek ikastaroak

Tallerrak ikastaro berria abiatuko du ekainean. Bertsotan Jolas da proposamen berria, eta helburua, bertsolaritza gustuko izan baina jendaurren aritzen ausartzen ez den jendeari bertsogintzan aritzeko aukera ematea da: “Bada bertsotan aritzeko gogoa duen jendea, eta lotsa ematen diona, edo publikorik gabe aritu nahi duena, eta horretarako aukera eman nahi diegu ikastaroaren bidez, beti ere hezkuntza sortzaile baten ikuspuntutik”. Tallerraren arduradun den Maitri Ugaldek eta Jon Martin bertsolariak gidatuko dute ikastaroa. Bertsotan esperientzia zabvalekoa da Martineta hezkuntza sortzailean formakuntza egindakoa da. Bertso Jolasen Martin izango dute bidaide ikastaroarekin bat egin nahi dutenek, eta Ugaldek berriz, tokia, bertsotarako gogoa eta hezkuntza sortzailean duen ezagutza jarriko du. Ikastaroan parte hartzeko baldintzak, “talde anitza osatzea da, adin eta askotariko ezaugarrietako jendeaz osatuta”, esan du Ugaldek. Prozesuan zehar norbera izango dela ikertzailea gaineratu du, “epaiak ez ditugu emango, inork ez du esango bertso ona edo txarra den, espazio intimoan egingo dugu eta kanpoko interferentziarik gabe, gainera”. Saioak ekainaren 13an eta 20an, astelehenarekin, egingo dituzte. Bi lehenengoak doakoak izango dira, “eta esperientziak ematen duenaren arabera datorren ikasturte osoan eskainiko dugu”. 18:00etatik 19:30etara egingo dituzte saioak Tallerran ( Tomas Lopez 2 bis G, Patxiku maldan). Parte hartu nahi dutenek berriz, telefonoz deitu baino ez dute egin behar, 666 98 44 62 zenbakira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.