Bihotz Biriken Geldialdi baten aurrean nola jokatu erakutsiko du DYA-k

Bihotz Biriken Supertzea BBS Eguna izango da ekainaren 5ean, eta horren harira bihotz biriken geldialdi baten aurrean nola jokatu behar den erakusteko ikastaroak emango dituzte DYAko kideek.

Ikerne Zarate Gartziarena

Errenteria-Orereta

2016/05/30

DYAk antolatutako suspertze oinarrizko tekniken ikastaroa.

Bihotz Biriken Supertzea BBS Eguna izango da ekainaren 5ean, eta horren harira bihotz biriken geldialdi baten aurrean nola jokatu behar den erakusteko ikastaroak emango dituzte DYAko kideek. Izan ere, teknika menperatzea 10 minutuko kontua dela esan dute DYA Gipuzkoako kideek, eta herritarrek nola jokatu behar duten jakitea ezinbestekoa dela gaineratu dute, “bizi bat salba dezakegulako”. Horrenbestez, Zure eskuek bizitza bat salbatu dezakete lelopean antolatu duten kanpainaren barruan, postuak jarriko dituzte Zumardian nahi duen orok suspertze oinarrizko teknikak ikas ditzan doan. Espainiako Estatuan urtean 24.000 bihotz biriken geldialdi baino gehiago gertatzen direla esan dute DYAko kideek (20 minutuko 1 gutxi gora behera), eta biktimen bataz besteko adina 30-45 urte artekoa dela, “ondoan dituztenen %16ak baino ez ditu menperatzen BBS teknikak”. DYAtik herritar guztiak animatu dituzte Zumardira hurbildu eta ikastaroan parte hartzera. 11:00etatik 14:00etara izango dira eta Pirritx, Porrotx eta Marimototsek ere bat egin dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.