Erabakitzeko eskubideaz eztabaidatuko dute San Pedron

Paco Alvarezek (PSE-EE), Luke Uribe-Etxebarriak (EAJ), Ion Collarrek (Ahal Dugu) eta Haritz Salaberriak (EH Bildu) parte hartuko dute Gure Esku Dago-k antolatutako solasaldian.

olatz mitxelena

Pasaia

2016/05/31

Sinadura bilketa bukatzear da; 5200tik gora biltzea da erronka.

Gure Esku Dago-k bi deialdi luzatu ditu aste honetarako. Lehena, bihar da (ekainak 12) , 19:00etan, San Pedroko Udal Aretoan. Lau gonbidatuk erabakitzeko eskubidearen gaia hartuko dute hizpide, Xabier Oleagak moderatuta. Gonbidatuak ondokoak dira: Paco Alvarez (PSE-EE); Luke Uribe-Etxebarria (EAJ); Ion Collar (Ahal Dugu) eta Haritz Salaberria (EH Bildu).

Larunbatean, eskualdeko deialdia

Bigarren deialdia larunbaterako luzatu dute. 12:30ean, Errenteria-Oreretako Agirre Lehendakariaren plazan (Linon), herri kontsulten Txupina botako du Gure Esku Dago-k. Aurreratu dutenez eskualdean bildu dituzten sinadura guztien berri emango dute jai giroan. Herritarrei, koral koloreko elastikoak soinean, festara batzeko eskatu diete.

Egitaraua:

12:30: bete erabakia edukiz, sinatzaileez.
12:45: Adosgunea. Sinadura bilketaren emaitza.
13:00: Txupina. Ondoren, Txaranga, trikitiak, pintxoak eta sagardoa.
19:00: Amaiera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.