Lantegiaren historia laburbiltzen duen liburua aurkeztuko dute bihar, eta erakusketa bat ere izango da, Donibaneko Victor Hugon.
Garai bateko portzelana fabrikaren tximinia, Donibaneko Bizkaia plazan.
Pasaitar askok ezagutzen ez duten herriko historiaren zati bat liburuan bildu du
Ereitenek, eta liburuaren osagarri, erakusketa atondu, herritarrei ezagutzera eman asmoz. Donibaneko garai bateko portzelana lantegiaren historia izango da argitalpenaren protagonista, baita erakusketarena ere.
Liburuaren egileek jakinarazi dutenez, Baignol anaiek sortu zuten portzelana lantegia, 1851 urtean. Étienne Baignolen bilobak ziren, Limogeseko lantegiaren sortzailearenak. Pasaiako lantegia 1915 urtera arte izan zen martxan, hainbat pertsonen ardurapean.
Lantegiko langile gehienak, berriz, pasaitarrak ziren, nahiz eta hasieran lan horretan espezializatuenetarako zenbait artisau frantses ere aritu omen ziren. Gaia aztertu dutenek jakin ahal izan dutenez, portzelanaren kalitatea lehenengo urteetan (1851-78) bereziki ona izan zen, eta, gero, urteek aurrera egin ahala, gainbehera etorri zen. Edonola ere, piezek ez dute lantegiko markarik, eta horrek zaildu egiten du jatorria zehaztea.
Lantegia Arizabalo jauregian zegoen, egungo udaletxean. Bertan orea prestatzen zuten, eta piezak modelatu eta dekoratu. Ondoko lur-sailetan, berriz, labea eta lehortegiak zeuden. Egun, baina, ez da adreiluzko tximinia bat besterik geratzen zutik.
Liburu aurkezpena:
Non: Pasai Donibaneko Udal Liburutegia
Data: Ekainak 1
Ordua: 19:00
Erakusketa:
Non: Victor Hugo Etxea (Pasai Donibane)
Irekiera: Ekainak 3, 19:30
Data: Ekainak 3-Uztailak 17
Ordutegia:
Asteazkena, osteguna eta ostirala: 17:00-20:00
Larunbata: 11:30-13:30 / 17:00-20:00
Igandea: 11:00-14:00
Liburu aurkezpena:
Non: Pasai Donibaneko Udal Liburutegia
Data: Ekainak 1
Ordua: 19:00
Erakusketa:
Non: Victor Hugo Etxea (Pasai Donibane)
Irekiera: Ekainak 3, 19:30
Data: Ekainak 3-Uztailak 17
Ordutegia:
Asteazkena, osteguna eta ostirala: 17:00-20:00
Larunbata: 11:30-13:30 / 17:00-20:00
Igandea: 11:00-14:00
