Esklerosi anizkoitza dutenak laguntzeko bustiko dira Fanderian
Busti zaitez esklerosi anizkoitza duten pertsonak laguntzeko kanpainarekin bat egin du Errenteriako Udalak, eta horrenbestez, igandean, Fanderiako igerilekuan igerian arituko dira iniziatibarekin bat egin nahi dutenek.
Busti zaitez esklerosi anizkoitza duten pertsonak laguntzeko kanpainarekin bat egin du Errenteriako Udalak, eta horrenbestez, igandean, Fanderiako igerilekuan igerian arituko dira iniziatibarekin bat egin nahi dutenek. Elkartasun iniziatiba horretan, milaka lagunek hartzen dute parte eta bustitzen diren guztiek egiaztagiria jasotzen dute. Kanpainarekin bat egiten duten herrietan egindako kilometroak batu egiten dituzte eguna amaitzeko.
Gaixotasunari buruzko informazioa zabaltzeko ere baliatuko dute egunaren antolatzaileek, eta informazioa emateko postua jarriko dute Fanderiako igerilekuaren sarreran eta baita materiala saltzen.
Esklerosi anizkoitzak batez ere 18 eta 35 urte bitarteko gazteei eragiten dien eta elbarritasuna sortzen duen gaixotasun neurologiko kronikoa da.
