[Argazkiak eta bideoa] Penaz, baina bukatu dira

'Gaixoa ni' abestuz agurtu zituzten atzo antxotarrek aurtengo sanferminak

olatz mitxelena

2016/07/11

Bukatu dira sanferminak. Atzo gauerdian agurtu zituzten Antxon aurtengo festak, ohi bezala, Gure Zumardian Gaixoa Ni abestuz, zezen suzkoarekin dantzan eta ura eskean. Su festa ere izan zen aurretik, Marealtan, eta egunean zehar, primerako giroa goizetik hasi eta iluntzera arte. Barrakak lepo eta kaleak ere jendez gainezka. Haurren Eguna zenez, Biterin puzgarriak goiz eta arratsaldez egon ziren, eta baita dultzainero eta erraldoien topaketa ere. Zo-zongo, Los bebes de la bulla … Azken minutura arte jaiaz gozatzen aritu ziren herritar eta bisitariak. Orain, baina, atsedena hartzeko ordua iritsi da Antxora, eta jaien lekukoa, berriz, Trintxerpera bidean da, karmenak hartzeko zain.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.