Mikel Odriozola omenduko du EAJ-k Madalenetako IX. Haurren Krossean

Hilaren 24an, igandearekin, egingo dute eta hura amaituta, Mikel Odriozola ibilketari errenteriarra omenduko dute.

2016/07/15

Irastorza, Murua eta Oiarbide.

Bederatzigarren aldiz antolatu du EAJk madalenetako haurren krossa. Hilaren 24an, igandearekin, egingo dute eta hura amaituta, Mikel Odriozola ibilketari errenteriarra omenduko dute. Hiru mailatan banatuko dute lasterketa: Benjaminak (2003-2204 urteetan jaioak), kimuak (2001-2002) eta haurrak (1999-2000). Lehenengoek 850 metro egingo dituzte, 1.000 metro kimuek eta 1.500 haurrek. Batzoki paretik, Koldo Mitxelena plazatik abiatuko da lasterketa 12:00etan eta beste urteetan bezala aldagelak jarriko dituzte parte hartzaileentzat Batzokian bertan. Urteak daramatzala EAJ kirolaren aldeko hautua egiten esan du Uri Buru Batzarreko lehendakari Elixabete Muruak, “herriko kirol talde eta kirolariak omentzen denbora daramagu, haien lana eta ibilbidea balioan jarri eta Errenteriako kirolaren alde egiten duten ahalegina aitortzeko”. Aurten Odriozola omenduko dutela esan du, “arrakastaz betetako ibilbide luzeaz gain, atletismoan errenteriako haur eta gazteentzat erreferente izateagatik”. Odriozola ahaleginaren. lanaren eta konstantziaren adibide garbia dela esan du Muruak, “eta horiek dira herriko haurrengan sustatu beharreko balioak”. Lasterketarekin haurrengan “ohitura osasungarriak” sustatzea eta kirola praktikatuz ondo pasatzea bilatzen duela gaineratu du. Lasterketan parte hartu nahi dutenek egunean bertan eman beharko dute izena 10:00etatik aurrera Batzokian. Lasterketa babesten duten saltoki eta erakundeei eskerrak eman dizkiete azkenik, “bereziki Errenteriako Atletismo Taldeari, antolakuntzan asko laguntzen digulako”. Uri Buru Batzar berria Uri Buru Batzarraeko kide berriak aurkezteko baliatu du gaurko agerraldia EAJk, bestalde. Hainbat kide mantendu badituzte ere, berriak ere badituela azaldu dute, “taldea indartu eta berritzeko”. Kide berriak Jose Ignacio Irastorza, Marta Barea eta Elixabete Murua dira. Murua, lehendakaria izendatu dute. Talde berriak gaztetasuna eta esperientzia uztartzen dituela esan dute. Irastorza eta Barea zinegotzi izan ziren aurreko legealdian eta Murua, berriz, udal taldearen idazkaria da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.