Trafiko aldaketak egingo dituzte madalenetan

Hainbat kale trafikoari itxita egongo dira eta garraio zerbitzuan ere izango dira aldaketak.

2016/07/18

Garraioan ere aldaketak izango dira jaietan. Argazkia: Sergio Ibañez.

Trafiko aldaketa egingo dituzte madalenetan, eta hori dela eta hiru guneko hainbat kale trafikorako itxita egongo dira. Fanderiako pasealekua gaurtik egongo da itxita barrakak jartzeko hilaren 28ra arte. Nafarroa hiribidea ere itxiko dute hilaren 21ean 08:00etatik aurrera, Galizia (niessen eta Santa Klara biribilguneen artean postuak jartzeko, eta biteri kalea ere moztu egingo dute egun berean 12:00etatik aurrera, Biteri tabernaren ondoan. Hiri arteko zein barruko garraiobideetan ere egingo dituzte aldaketak. Horrenbestez, Xenpelar eta Morrongilletako geltokiak bertan behera geratu, eta Tulle kaleko geltokian hartu beharko dute autobusa erabiltzaileek, hilaren 21eko 07:00etatik hilaren 26ko 07:30ak arte. Niessen, Zumardia eta Gabierrotako geltokiak ere bertan behera geldituko dira. Hiri arteko garraioei dagokienean Lurraldebusen E02, E04, E20, E26, E27, E72 eta E77 lineak galiziako biribilgunetik Lartzabaleraino zuzenean joango dira hilaren 21eko 05:00etatik hilaren 26ko 13:00ak arte. Garajeak Trafiko mozketen eragina izango duten erabiltzaileek beste urteetan bezala egingo dituzte sarrera irteerak, eta argibiderik behar izanez gero udaltzaingora deitu beharko dute. Taxiei dagokienean, berriz, Nafarroa Hiribideko ohiko geltokia izango dute. TAO zerbitzua eten egingo dute bestalde, hilaren 21eko 13:00etatik hilaren 26ko 09:30era, eta hilaren 21ean 1 edo 2 guneetan bizi direnek edozein guneetan aparkatu ahal izango dute. Trafikorako itxitako gune guztiak irekiko dira zamalanetarako 08:00etatik 12:00etara.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.