Mugarriren 23. zenbakia eta urtekaria herriko auzoetan jarri dituzten guneetan lor daitezke.
Bi argitalpenen azalak.
Eros daitezke jada Mugarri-ren zenbaki berria nahiz Oiartzun 2016 urtekaria. Herriko ohiko tokietan lor daitezke bi argitalpenak (behean dago zerrenda).
Urtekaria lau euroan eros daiteke. Herrian izan diren kultur, kirol eta hezkuntza alorreko gaiak landu dituzte Oiartzun 2016n, eta elkarrizketa nagusia Juanito Arozena txistulariari egindakoa da.
Kaparetasuna eta odol garbitasuna Oiartzunen. XVI.-XIX. mendeak da Mugarri bildumaren zenbaki berriaren izenburua. Denis Alvarez Perez-Sostoa eta Iñaki Garrido Yerobi historialariek sakondu dute izenburuak argi azaltzen duen gaian.
Honako tokietan eskura daitezke bi argitalpenak:
- Altzibarren, Irundarrenen.
- Arraguan, Pikoketa estankoan.
- Elizalden, Killirikupen, Urrats paper dendan, Garmendi txokolategian eta Garmendia okindegian.
- Ergoienen, Tolaren.
- Gurutzen, Galdosen.
- Iturriotzen, Pottolo janari dendan, Ibarreko gasolindegian eta Martin harategian.
- Ugaldetxon, Intxixun eta Mamuteko liburudendan.