Webgunea berritu du Pasaiako Portuak

"Portuaren irudi berri eta funtzionala" erakutsi nahi dute Internet bidez.

olatz mitxelena

2016/07/22

Portuaren Ordenaziorako Plan Bereziaren aldaketa onartu du Portu Agintaritzak

Pasaiako Portu Agintaritzak gaur aurkeztu du bere web atari berria. Agintaritzak azaldu duenez, webgune berriak “portuko jarrera teknologikoa indartzen du, bertatik eskaintzen diren zerbitzuak mundu guztiari erabilgarriago eginez”. Hainbat atal berri ditu webguneak:

Bisitari birtuala: Pasaiako Portua barrutik eta kanpotik denbora errealean ikustea ahalbidetzen duen aplikazioa, Pasaiako badiaren puntu desberdinetan kokatutako kamera desberdinen bidez ikustea baimentzen duen aplikazioa.
Bezeroaren Arretarako Zerbitzua (BAZ): Nahi/Behar duenak bere erreklamazioa, kexa edo iradokizuna bideratzeko formularioa.
Mareetako eta meteorologiaren inguruko informazioa denbora errealean: Itsasoaren eta mareen egoera ezagutzeko.
Erantzukizun korporatiboa: “Konpromisoa” izeneko atala, elkartean konpromiso sozialaren, ekonomikoaren eta ingurumenaren arloan egiten ari den lana azaltzeko.

Horrez gain, portuak mugitzen dituen trafiko garrantzitsuenen zifrak infografia bitartez emango dituzte, baita bideo korporatiboa eta Pasaian atrakatzen duten merkantzia ontzien gaineko informazioa ere.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.