Antzerki Labeak prest du ikasturte berria

Haur, gazte eta helduei begirako saioak prestatu ditu urte osorako Antzerki Labeak.

2016/08/30

Antzerki Labea. Emanaldi baten irudia.

Etzi zabalduko du izean emateko epea Antzerki Labeak, udal antzerki tailerrak, eta aurten ere eskaintza zabalarekin dator. Haur, gazte eta helduei begirako saioak prestatu dituzte urte osorako. Txikienek, bi talde izango dituzte, bata 7 eta 9 urte arteko haurrei begirakoa, eta bestea, 10 eta 12 urte arteko haurrei zuzendua. Gazteek ere bi talde izango dituzte, 13-15 urte artekoentzat bat eta 16-18 urte artekoentzat bestea. Helduek hiru tailer izango dituzte aukeran: Hastapena, sakontzea eta sorkuntza. Matrikulari dagokionean berriz, urteko tasa bakarra ordaindu beharko dute parte hartzaileek, 108 eurokoa haur eta gazteen kasuan; 144 eurokoa, hastapen taldean arituko direnek, eta 216 eurokoa, sakontze zein sormen taldeetakoek. Interesdunek irailaren 25ean izango dute Antzerki Labean izena emateko azken eguna.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.