Antzerkian trebatu nahi dutenentzat aukera Badia eskolaren eskutik

Asteazkenean zabalduko dute izena emateko epea (hilak 7) eta taldeak osatu bitartean egongo da zabalik.

olatz mitxelena

2016/09/02

Antzerki eskolak eskaintzen ditu Badia Eskolak Pasaiako barruti guztietan.

Badia Antzerki Eskolak datorren astetik aurrera ekingo dio matrikulazioak jasotzeari. Urtero legez, barruti guztietan eskainiko dituzte eskolak, eta adinaren arabera antolatuko dituzte taldeak. Trintxerpe- San Pedroko ikasleentzako tailerrak asteazken arratsaldetan izango dira, hiru taldetan banatuta: Lehen Hezkuntzako 1-2-3, 4-5-6 eta D.B.Hko ikasleen taldea. Antxoko barrutian, berriz, adin bereko ikasleentzako tailerrak ostegunetan izango dira. Izen-emate epea hilaren 7an irekiko dute (asteazkena) eta taldeak osatu bitartean mantenduko dute zabalik. Badia Eskolako arduradunek ohartarazi dute plaza mugatuak direla eta izen-emateko hurrenkera errespetatuko dutela. Hori dela eta, interesdunei ez berandutzeko aholkatu diete. Antzerki klaseak urriaren 3an hasiko dira eta ekainaren 2an bukatu. Ikasturtea amaituta, urtero legez, ikasleek taula gainean aurkeztuko dute ikasitakoa. Ikasturteko matrikulak 90 euro balio du, eta 10 euroko bederatzi kuotatan ordaindu behar da. Izena eman edo informazio gehiago eskuratzeko ondoko telefono zenbakietara dei daiteke:

943 24 85 11
617 81 99 81
667 400 641

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.